مرض الصفراء عند الاطفال وطرق علاجه
 الصفراء عند حديثي الولاده شايع جدا بيظهر عند حوالي 60% من الرضع وهذا يحصل بسبب ارتفاع نسبة مادة البيليروبين و الماده  لونها أصفر في الدم و دي ماده بيكون الكبد هو المسؤل عن خروجها من الجسم
 الماده دى بتنتج من تكسير الهيموجلوبين فى الدم لأن الطفل و هو داخل الرحم بيحتوى على الهيموجلوبين الجنينى و عند الولاده بيتكسر الهيموجلوبين الجنينى و يتبدل مكانه الهيموجلوبين الطبيعى فتزيد نسبة البيليروبين .

 فى الحاله الطبيعيه كبد الأم هو اللى بيخرج الماده دى أثناء الحمل لكن بعد الولاده بيبقى كبد الطفل مكتملش نموه لسه فبيتراكم البيليروبين فى الدم فيسبب الصفراء. فيه نوعين من الصفراء
الصفراء الفيسيولوجيه
 الصفراء المرضيه اعراضها  اصفرار لون جسم الطفل و لون بياض العين
 اسباب الصفراء المرضيه
الولاده المبكره تكون سبب رئيسى للصفراء
الرضاعه الطبيعيه ساعات بتكون سبب فى ظهور الصفراء لان لبن الام  يحتوى على السعرات الحراريه الكافيه للتغذيه إختلاف فصيلة دم الطفل عن دم الام وخصوصا فصيلة ال RH ساعتها الطفل بيستقبل أجسام مضاده عن طريق المشيمه بتساعد فى تكسير الدم
  علاج الصفراء عند الاطفال
الصفراء الفيسيولوجيه فى الغالب بتخف لوحدها و مش بتحتاج لعلاج بحيث تكون نسبة الصفراء أقل من 12 ولكن ينصح بزيادة الرضاعه الطبيعيه  12 مره فى اليوم ولو لاحظنا ان الرضاعه الطبيعيه مش كفايه وان الطفل وزنه بيقل ساعات بيضطر الدكتور انه يدخل الرضاعه الصناعيه كوسيله مساعده

 لكن لو زادت نسبة الصفراء عن 12 تعتبر صفراء مرضيه ودى بتحتاج نودى الطفل فيها الحضانه و بيتعرض فيها لدرجة ضوء معينه بتتحط فوق سرير الطفل بتساعد فى تكسير البيليروبين و خروجه من الجسم مع تغطية العين. لكن لو زادت نسبة الصفراء عن 20 فساعتها ممكن يحصل تغيير لدم الطفل علشان نتجنب ضمور خلايا المخ

طرق علاج الصفراء  بالشمس

خلع ملابس الطفل قبل تعريضه للشمس.
 يجب أن يكون الضوء غير شديد لكي تستفيدي من أشعة شمس الصباح الباكر، من الساعة 7 حتى 10 صباحًا غير الساخنة.
لا تتركي الطفل مدة طويلة في الشمس حتى لا يصاب بحروقها، ولا يصاب بالبرد نتيجة أنه عارٍ.
 ستقوم الشمس بدورها في تفتيت مادة البيليروبين في جسم الطفل وجعلها أسهل في الخروج مع البراز أو البول، وبالتالي ستزول أعراض الصفراء في وقت أسرع وأقصر، ويجب الاهتمام بعلاج هذا المرض لأن زيادة نسبة المادة الصفراء في الجسم قد تؤدي إلى تلف في الدماغ أو أكثر من ذلك.

أخطاء شائعه
أغلب الناس مفكره ان علاج الصفراء بيتم بتعريض الطفل للضوء العادى باللمبه النيون العاديه وده طبعا غلط لان الضوء العادى مش هيكسر البيليروبين لكن اللى بيكسر البيليروبين ضوء بيبقى ليه تردد معين موجود فى الحضانات فمتضيعيش وقت على الفاضى ووديه حضانه افضل علشان النسبه متزيدش  وانت بتعرض الطفل للضوء لازم تغطى عين الطفل بغطاء عين علشان ميحصلش ضمور فى قرنية العين .

 الاعشاب اللى بتبقى موجوده فى الصيدليات و الدكاتره ساعات بيكتبوها علشان تعالج الصفراء زى ال agarose و غيرها مبتعالجش الصفرا و لا حاجه هى عباره عن مكملات غذائيه للطفل ملهاش علاقه بالصفراء